Эрэлтэд суурилан жил тутмын төлөвлөгөөг хамтрагч талуудтай санал солилцож, зөвлөлдөн боловсруулдаг уламжлалын дагуу Австрали Монголын Эрдэс баялгийн салбарын хамтын ажиллагааны хөтөлбөр (АМЕП) нь 2020-2021 онд хийх ажлын төлөвлөгөөгөө гаргаж эхэллээ. “Хамтран ажиллагч байгууллагууддаа бид ирэх жил бидэнтэй хамтран ажиллах шаардлагатай байгаа асуудал, чиглэлээ хэлэлцэн тодорхойлохыг уриалж байна. Санал болгож буй төсөл, ажил нь “
Монгол Улсын эрдэс баялгийн салбарын хөгжил, хөрөнгө оруулалтын орчныг сайжруулах үндсэн зорилгод нийцсэн байх”-аас гадна дараах дөрвөн шалгуурыг хангасан байх ёстой” хэмээн Хөтөлбөрийн удирдагч Кирстен Ливермор хэлсэн юм. Үүнд:
- Хамааралтай байдал. Санал болгож буй төслийн үр дүн нь эрдэс баялгийн салбарын хөрөнгө оруулалтын орчныг сайжруулах гэсэн АМЕП хөтөлбөрийн ерөнхий зорилгод хувь нэмэр оруулж байх.
- Тодорхой, ойлгомжтой байдал. Санал болгож буй төслийн үр дүн нь чанар, тоо болон цаг хугацааны хувьд тодорхой, ойлгомжтой байх.
- Манлайлан, хариуцаж ажиллах оролцогч тал. Санал болгож буй ажлын үр дүнг оролцогч талууд дэмжих, хэрэгжүүлэх хүсэл эрмэлзэлтэй байх.
- Хамтын ажиллагаа. Санал болгож буй ажил нь төрийн байгууллага хоорондын болон төр, хувийн хэвшил, иргэний нийгмийн хамтын ажиллагааг дэмжиж байх.
Бид 2020 оны 4-5 дугаар сард хамтрагч талуудтай санал солилцох уулзалт, хурал, хэлэлцүүлгээ зохион байгуулахаар төлөвлөж байна. Коронавирустай холбоотой хөл хорионоос хамааран товыг тогтооно. Тодруулах зүйл байвал Хамтын ажиллагааны менежер П.Оюунбилэгтэй цахим шуудангаар (oyunbileg@amep.mn) холбогдож болно.